काठमाडौं– प्रधानमन्त्री केपी शर्मा ओलीविरुद्ध अविश्वासको प्रस्तावमा हस्ताक्षर गरेकी नेकपा सांसद माया ज्ञवालीले आफू ओली समूहमा रहेको जनाएकी छिन् ।
उनले आफू नेकपा दाहाल–नेपाल पक्षमा नरहेको घोषणा गर्दै ओली समूहमै रहेको बताएकी हुन् ।
संसद विघटनपछि ओली विरुद्धको अविश्वासको प्रस्तावमा हस्ताक्षर गरेकी उनी यसबीचमा वामदेव गौतमको पार्टी एकता अभियानमा समेत लागेकी थिइन् ।
अहिले आफू ओली समूहमा रहेको बताउँदै ओलीपक्षीय अखिल नेपाल महिला संघको अभियानमा जोडिएको जनाएकी छिन् । सांसद ज्ञवाली दासढुंगा दुर्घटनामा निधन भएका तत्कालीन एमालेका संगठन विभाग प्रमुख जीवराज आश्रितकी पत्नी हुन् ।
प्रतिक्रिया