लसएन्जल्स–हलिउडको प्रख्यात फिल्म सिरिजमा ‘ह्यारी पोर्टर’ को नाम सधैं आउने गर्दछ । यो सिरिजको सारा विश्वभरी फ्यान छन् । सिरिजमा हरमायोनी ग्रैञ्जरको भूमिका निभाएर दर्शकमाझ रुचाइएकी अभिनेत्री एमी वाटसनले अभिनय छोड्ने निर्णय लिएकी छन् ।

डेली मेलमा प्रकाशित समाचार अनुसार एमाले अहिले कुनै पनि फिल्ममा साइन गरेकी छैनन् । उनी निस्क्रिय अवस्थामा बसेकी छन् ।

एमाका एजेन्टले एमाले अभिनय छोडेको पुष्टि गरेका छन् । एमा नौ वर्षको उमेरदेखि हलिउडमा सक्रिय छिन् । त्यहीकारण पनि अब मूलधारबाट टाढिन चाहन्छिन् ।

एमाले अभिनयबाट टाढिएर प्रेमी लियो रोबिनसनसँग बाँकी समय बिताउने निर्णय लिएकी छन् । एमा र लियो १८ महिनादेखि सम्बन्धमा छन् । त्यहीकारण एमाले नयाँ कुनै फिल्म र प्रोजेक्ट साइन गरेकी छैनन् ।

‘हेरी पोटर’ सिरिजको पहिलो फिल्मदेखि लिएर हालसम्म एमाले सन् २०१९ मा रिलिज ‘लिटल विमन’सम्म आफ्नो अभिनयका कारण फ्यानमाझ राज गरिसकेकी छन् । तर अभिनय छोड्ने उनको निर्णयले फ्यान दुःखी बनेका छन् ।