काठमाडौँ– बलात्कारपछि हत्या गरिएकी निर्मला पन्तलाई न्याय माग्दै काठमाडौँमा प्रदर्शन गरिएको छ ।

२०७५ साउन १० गते भएको घटनाको आइतबार तीन वर्ष पुगेको छ । तर, घटनाको तीन वर्ष पूरा हुँदासमेत सरकारले हत्यारा पत्ता लगाउन नसकेको भन्दै अखिल क्रान्तिकारीले माइतीघरमा प्रदर्शन गरेको हो ।

उनीहरुले मुलुकमा महिला हत्या हिंसाको घटनामा कमी नआएको भन्दै नाराबाजी गरे । त्यस्तै प्रदर्शनमा उत्रिएका विद्यार्थीहरुले संविधान नै संशोधन गरी बलात्कार र हत्या गर्नेलाई फासीको सजाय दिनुपर्ने माग गरे ।

घर नजिकै रहेको उखुबारीमा साउन ११ गते निर्मलाको शव भेटिएको थियो । पोष्टमार्टम रिपोर्टमा निर्मलाको बलात्कारपछि घाँटी थिचेर हत्या गरिएको पाइएको थियो ।