नवलपुर– नवलपुरको कावासोतीस्थित विद्यालयहरु पाँच दिनका लागि बन्द गरिएको छ ।

विद्यार्थीलाई कारोना देखिएपछि पाँच दिन शिक्षण संस्थाहरु बन्द गर्ने नगरपालिकाले निर्णय गरेको हो ।

बालबालिकाहरुमा कोरोनाको जोखिम बढेको कारण सोमबारदेखि आगामी शुक्रबारसम्म कावासोती नगरपालिका भित्रका सबै शिक्षण संस्थाहरु बन्द गर्ने निर्णय गरेको हो ।

भोलिदेखि शुक्रबारसम्मका लागि कावासोती नगपालिका भित्रका विद्यालय, क्याम्पस तथा सबै शिक्षण संस्थाहरु बन्द गर्ने निर्णय गरिएको नगर शिक्षा प्रमुख छत्रबहादुर भण्डारीले बताए ।

कावासोतीस्थित शिव माविका विद्यार्थीलाई कोरोना संक्रमण पुष्टी भएको थियो । नवलपुरमा वैशाख २० गतेदेखि वार्षिक परीक्षा सञ्चालन गर्ने तयारी गरिएका थियो । कोरोना संक्रमणको अवस्था हेरेर परीक्षा सञ्चालन गरिने भण्डारीले बताए ।