काठमाडौँ– प्रहरीले अदालतको आदेशविपरीत अनलाइनको कार्यालय कब्जा गरेको छ ।

उज्यालोनेटवर्क डटकमको कार्यालयमा प्रहरीले घेरावन्दी गरेको हो ।

अनामनगरस्थित अनलाइनको कार्यालयमा प्रहरीले घेरा हाली पत्रकार तथा कर्मचारीलाई कार्यालयमै नियन्त्रणमा राखिएको छ ।

अनलाइनका कार्यकारी सम्पादक अनिश तामाङले प्रहरीले धरपकड गरेको सामाजिक सञ्जाल फेसबुकमार्फत जानकारी गराएका छन् ।

उनले फेसबुकमा लेखेका छन्, ‘उज्यालो नेटवर्कको कार्यलयमा प्रहरीले पुनः धरपकड गरेको छ । म लगायत उज्यालो नेटवर्कका पत्रकारहरुलाई प्रहरीले उज्यालो नेटवर्ककै कार्यलयमा नियन्त्रणमा राखेको जानकारी गराउन चाहन्छु ।’

सो अनलाइनमा प्रकाशित समाचारको विषयलाई लिएर धरपकड नगर्न प्रहरीको नाममा अदालतले आदेश दिइसकेको छ ।