काठमाडौँ– नेकपा एमालेको नेपाल समूहले दायर गरेको रिटमा आज सुनुवाइ हुँदैछ । उक्त रिट न्यायाधीश प्रकाशकुमार ढुंगानाको इजलासमा परेको छ ।

अध्यक्ष तथा प्रधानमन्त्री केपी शर्मा ओलीले आफूमाथि कारबाही गर्न लागेको भन्दै वरिष्ठ नेता माधवकुमार नेपाललगायतले सर्वोच्च अदालतमा रिट दायर गरेका थिए ।

उनीहरुले रिटमा आफूहरुमाथि गर्न लागिएको कारबाही अवैध रहेको जिकिर गरिएको छ। यस्तै निर्वाचन आयोगले सर्वोच्चको फागुन २३ को फैसला कार्यान्वयनमा सक्रियता नदेखाएको भन्दै विपक्षी बनाइएको छ।

सर्वोच्चमा एमाले विवादबारे सुनुवाई भइरहँदा बालुवाटार अध्यक्ष ओलीले बोलाएको एमाले महाधिवेशन आयोजक समितिको बैठक जारी छ। सो बैठकले कारबाही प्रंक्रियाबारे निर्णय गर्ने चर्चा छ।