काठमाडौँ– पूर्व प्रधानमन्त्री एवम् जनता समाजवादी पार्टी नेपालका संघीय परिषद् अध्यक्ष डा. बाबुराम भट्टराईले मुलुकमा कोरोनाको घातक दोस्रो लहरबाट जनताको जीवन रक्षा आजको राष्ट्रिय प्राथमिकता भएको बताएका छन् ।

शनिवार राति उनले सामाजिक सञ्जालमा लेख्दै भनेका छन्, ‘अस्पतालमा अक्सिजन सिलिन्डर, भेन्टिलेटर लगायत आवश्यक सामाग्रीको युद्धस्तरमा जोहो गरौँ ।’

उनले भारतीय सीमानामा आवश्यक व्यवस्थापन गर्न समेत सरकारसँग आग्रह गरेका छन् ।

डा. भट्टराईले भनेका छन्, ‘अस्पतालमा अक्सिजन सिलिन्डर,भेन्टिलेटर लगायत आवस्यक सामाग्रीको युद्धस्तरमा जोहो गरौं। राममन्दिर,पशुपतिका गजुर,भ्यूटावर,धरहरा बनाउँदै गरौंला !’

यस्तो छ उनको ट्वीट

कोभिड-१९को घातक दोश्रो लहरबाट जीवनरक्षा आजको पैलो राष्ट्रिय प्राथमिकता हो!विश्वको हटस्पट बनेको भारतसंगको खुला सीमानामा आवस्यक व्यवस्थापन गरौं।अस्पतालमा अक्सिजन सिलिन्डर,भेन्टिलेटर लगायत आवस्यक सामाग्रीको युद्धस्तरमा जोहो गरौं।राममन्दिर,पशुपतिका गजूर,भ्यूटावर,धरहरा बनाउॅदै गरौंला!

— Baburam Bhattarai (@brb1954) April 24, 2021