काठमाडौँ– ज्योति विकास बैंकले क्युआर कोडबाट भुक्तानी सुरु गरेको छ। बैंकले बिहीबार रूपन्देही जिल्लाको अमुवा बजार तथा बजार वरपरका क्षेत्रमा क्युआर कोडबाट भुक्तानी सेवा सुरुवात गरेको हो।

अमुवा बजारलाई स्मार्ट बनाउने र नगदरहित कारोबारलाई प्रवर्द्धन गर्ने उद्देश्यका साथ बैंकले अमुवा बजारमा ५० भन्दा बढी क्युआर कोड वितरण गरेको छ।

क्युआर कोड सेवा सुरु भएसँगै अमुवा बजारमा रहेका पसलबाट आफूले खरिद गरेका वस्तुको भुक्तानी गर्दा आफ्नो मोबाइलबाट क्युआर कोड स्क्यान गरी सिधैं आफ्नो बैंक खाताबाट रकम भुक्तानी गर्न सकिने छ।

बैंकले देशका विभिन्न स्थानमा व्यवसायीलाई प्रदान गरेको क्युआरकोड सेवाले आमग्राहकलाई डिजिटल कारोबार गर्न प्रोत्साहन गरिरहेको छ।