काठमाडौँ– नबिल बैंकले ‘हिरोज् अफ नेपाल’को दोस्रो संस्करणबाट चर्चित शेफ सन्तोष शाहलाई सम्मान गरेको छ ।

राष्ट्रिय तथा अन्तर्राष्ट्रिय जगतमा नेपाललाई चिनाएर नेपालको शिर उच्च राख्न सफल नेपालीहरुलाई सम्मान गर्ने क्रममा बैंकले ‘हिरोज् अफ नेपाल’बाट शेफ शाहलाई सम्मान गरेको हो ।

शेफ सन्तोष शाहले युकेको मास्टर शेफ कार्यक्रममा नेपालको प्रतिनिधित्व गर्दै नेपाली परिकारहरुलाई विश्व सामु चिनाउनुका साथै नेपालीको शिष्टाचार र मैत्रीपूर्ण भावलाई पनि प्रदर्शित गरेर हरेक नेपालीलाई गौरवान्वित बनाएका छन् ।

शेफ सन्तोष शाह, अनिल केशरी शाह र अनुष्का श्रेष्ठबीच भएको प्यानल छलफलको क्रममा, शेफ सन्तोष शाहले उनको प्रेरणादायक उपलब्धिहरूको बारेमा बोल्नुका साथै उनको जीवनका यात्राका चुनौतीहरू पनि वर्णन गरेका थिए ।

सो कार्यक्रमबाट हामी प्रेणादायक क्षेत्रको भित्री तहसम्म पुग्न सफल भएको बैंकको दावी छ । सो कार्यक्रममा बैंकको उच्च व्यवस्थापन तहका अधिकारीहरूको समेत उपस्थिती रहेको थियाे ।