प्राग– यूरोपेली मुलुक चेक गणतन्त्रमा चीनले आर्थिक नोक्सान पुर्‍याउन खोजेको राजधानी प्रागका मेयरले आरोप लगाएका छन् ।

आफूले ताइवान र तिब्बतका लागि ऐकेबद्धता देखाएका कारण चीनले चेक गणतन्त्रमा आर्थिक नोक्सान पुर्‍याउन लागिपरेको राजधानी प्रागका मेयर सेनेक रिबले टिप्पणी गरेका हुन् ।

गतवर्ष ताइवानको भ्रमण गरेको र तिब्बतका नेता लोब्साङ साङगेलाई चेज भ्रमणमा निमन्त्रणा दिएपछि चीन आफु विरुद्ध लागेको मेयर रिबले बताए। चीनले आर्थिक लगानीको सहमति अनुसार काम नगरेको भन्दै अविश्सनिय व्यापार साझेदार भएको पनि मेयर रिबले टिप्पणी गरे ।

गतवर्ष प्रागका मेयरले ठूलो प्रतिनीधिमण्डल सहित ताइवानको भ्रमण गरेपछि चेक गणतन्त्रमा उत्पादीत पियानोहरु किन्ने सहमति पनि चीनले खारेज गरेको थियो । चेक गणतन्त्रले ताइवान र तिब्बतसँग कुटनीतिक सम्बन्ध बिस्तार गरेका कारण चीन क्रुद्ध बनेको हो ।