काठमाडौँ – भारत र पाकिस्तानको सेनाबीच नियन्त्रण रेखा (एलओसी) तथा अन्य क्षेत्रमा भइरहेको गोलाबारी रोक्ने सम्बन्धमा सहमति भएको छ ।

बिहीबार मध्यरातिदेखि नियन्त्रण रेखा क्षेत्रमा हुँदै आएको गोलाबारी रोक्न दुवै देशबीच सहमति जुटेको हो ।

दुवैतर्फबाट नियन्त्रण रेखामा लगातार संघर्ष बिरामको उल्लंघन भइरहेको अवस्थामा दुवै देशका सेनाका शीर्ष अधिकारबीच वार्ता भएपछि सहमति जुटेको बीबीसी हिन्दीले जनाएको छ ।

संघर्ष बिराम उल्लंघन हुँदा दुवैतर्फको नियन्त्रण रेखा आसपासका गाउँ नराम्ररी प्रभावित हुँदै आएको छ ।

हटलाइनको माध्यमबाट भारत र पाकिस्तानका सेनाबीच वार्ता भएको बताइएको छ ।

यद्यपि, भारतीय सेनाले नियन्त्रण रेखा तथा जम्मू–कश्मीरको आन्तरिक क्षेत्रमा कुनै पनि किसिमको चरमपन्थी विरोधी कारवाही र पाकिस्तानी सेना समर्थित चरमपन्थी घुसपैठको प्रयास भने स्वीकार्य नभएको र त्यस्ता गतिविधि विरुद्धको कारवाहीका लागि कत्ति पनि ढिलाइ नगर्ने स्पष्ट पारेको छ ।