काठमाडौँ- एमाले अध्यक्ष केपी शर्मा ओलीले पार्टीको स्थायी कमिटी बैठक डाकेका छन् ।
बैठक अपराह्न ४ बजे बालुवाटारमा बस्ने तय भएको नेता सुवास नेम्वाङले जानकारी दिए ।
आजको बैठकमा पार्टी अनुशासनविपरित विपक्षी दलसँग मोर्चाबन्दी गरेका नेता माधव कुमार नेपालसहितका ११ जनालाई थप कारबाही गर्ने लगायतका विषयमा छलफलको तयारी भएको नेताहरूले जनाएका छन् ।
यसअघि बसेको स्थायी कमिटी बैठकले माधवकुमार नेपालसहित ११ जनालाई स्पष्टीकरण सोधेको थियो । तर उनीहरूले अहिलेसम्म प्रष्टीकरण बुझाएका छैनन् ।
बैठकमा घोषित आगामी चुनावको तयारी तथा विपक्षी दलहरूले गरिरहेको विरोधका विषयमा पनि छलफल गर्ने तयारी छ ।
प्रतिक्रिया