काठमाडौँ– खोटाङको हलेसी महादेवको दर्शनपछि फर्केको बस दुर्घटना हुँदा एक जनाको मृत्यु भएको छ ।

शनिबार बिहान करिब ११ बजे खोटाङ हलेसी तुवाचुङ नगरपालिका–१ कदुवास्थित मध्यपहाडी लोकमार्गमा हलेसी दर्शन गरी सप्तरी फर्केको बस दुर्घटना हुँदा एक जनाको भएको हो । दुर्घटनामा २२ जना घाइते भएका छन् ।

३९ जना यात्रु बोकेको बस दुर्घटना हुँदा १६ जना अन्य तीर्थालु सामान्य घाइते भएको जिल्ला प्रहरी कार्यालय खोटाङले जनाएको छ ।

विराटनगरस्थित १ नम्बर प्रदेश प्रहरी कार्यालयका अनुसार सो दुर्घटनामा बसका सहचालक सिन्धुली घ्याङलेक गाँउपालिकाका २५ वर्षीय अनिल तामाङको घटनास्थलमानै मृत्यु भएको हो ।

प्रहरीका अनुसार सडकमा बस दुर्घटना हुँदा दिउँसो करिब सवा २ बजेमात्र सडक खुला गरिएको प्रहरीले जनाएको छ ।