झापा- नेपाली कांग्रेसकी वयोवृद्धा नेतृ गिरिराजकुमारी प्रसाईको निधन भएको छ । ९० वर्षको उमेरमा उनको झापाको विर्तामोडस्थित वीएण्डसी अस्पतालमा निधन भएको हो ।

स्व. प्रसाई नेपाली कांग्रेसका पहिलो पुस्ताका नेता सीके प्रसाईकी पत्नी हुन् भने सीके विपी कोईरालाका सहकर्मी हुन् । श्रीमानको निधन पछि गिरिराजकुमारी आँफै पनि राजनीतिमा सक्रियता पूर्वक लागेकी थिईन् ।

उनी २०५१ सालको संसदीय निर्वाचनमा तत्कालिन झापा क्षेत्र नं. २ मा तत्कालिन नेकपा एमालेका नेता केपी शर्मा ओलीसँग पराजित भएकी थिईन् । उनको जन्म वि.सं. १९८८ कातिर्कमा ललितपुरमा भएको नेपाली कांग्रेसले जनाएको छ ।

नेतृ प्रसाईको निधन प्रति कांग्रेसका नेताहरुले शोक व्यक्त गरेका छन् । कांग्रेस प्रवक्ता विश्वप्रकाश शर्माले ट्विटमा लेखेका छन्, ‘चैत ७ गते विर्तामोडको अस्पतालमा स्वास्थलाभ कामना गरिरहँदा कल्पना गरेको थिइन त्यो भेट अन्तिम हुनेछ । सीके प्रसाईंलाई एक सफल प्रसिद्ध बौद्धिक चिन्तक बन्न गिरिराजकुमारी प्रसाईंको योगदान जीवन साथिका रूपमा सबैभन्दा महत्त्वपूर्ण रह्यो, उनै ज्ञानु मुवाप्रति हार्दिक श्रद्धाञ्जली ।’

चैत ७ गते बिर्तामोडको अस्पतालमा स्वास्थलाभ कामना गरिरहंदा कल्पना गरेको थिइन त्यो भेट अन्तिम हुनेछ !

सिके प्रसाईंलाई एक सफल `प्रसिद्ध बौद्धिक चिन्तक´ बन्न गिरिराजकुमारी प्रसाईंको योगदान जीवन साथिका रूपमा सबैभन्दा महत्त्वपूर्ण रह्यो l उनै ज्ञानु मुवाप्रती हार्दिक श्रद्धाञ्जली ! pic.twitter.com/HTHqqIhEkK

— Bishwa Prakash शर्मा (@bishwaprakash77) March 24, 2021