काठमाडौं– बुधबार सेयर बजार परिसूचक (नप्से) उतार चढाव हुँदै अन्तिम समयमा बढेको छ।

बजार खुलेसँगै घटेको सेयर बजार अन्तिम समयमा आएर १२ दशमलव ५६ अंकले बढेको हो। यो सँगै नेप्से परिसूचक २ हजार ५ सय ९९ दशमलव ०७ अंकमा पुगेर बन्द भएको छ।

बुधबार २ सय ४ सय कम्पनीको १ करोड ६७ लाख २६ हजार ४ सय ७२ कित्ता सेयर किनबेच हुँदा ६ अर्ब ७० करोड १८ लाख ७२ हजार भन्दा धेरै रकमको कारोबार भयो।

बुधबार हाइड्रोपावर र अन्य समूहका सेयर बाहेक सबै समूहका सेयरमा हरियाली छायो। बुधबार सबैभन्दा धेरै आइएमइ जनरल इन्सोरेन्स, नेपाल फाइन्यान्स कम्पनी र चन्द्रागिरी हिल्सका लगानीकर्ताले सबैभन्दा धेरै कमाएका छन्।

यस्तै सबैभन्दा धेरै गुमाउनेमा नेपाल इन्फ्रास्टक्चर बैंकका लगानीकर्ताले करिव साढे ५ प्रतिशत गुमाएका छन्।