काठमाडौं– नेपाल कम्युनिस्ट पार्टी (नेकपा) स्थायी कमिटी सदस्य एवम् प्रतिनिधिसभा सदस्य पम्भा भुसालले प्रधानमन्त्री पदबाट केपी शर्मा ओलीले राजीनामा नदिए संसदबाट गलत्याएर फाल्ने बताएकी छिन् ।

आज काठमाडौंको रत्नपार्कमा आयोजित सभामा बोल्दै पम्फाले यस्तो चेतावनी दिएकी हुन् ।

हेरौँ भिडियो

उनले प्रधानमन्त्री ओलीको नैतिकता बाँकी नरहेको र यदि बाँकी रहे तत्काल राजीनामा दिनुपर्ने बताएकी हुन् ।

प्रतिनिधि सभा पुनःस्थापना गरेपछि प्रतिगामीहरूले अलिकति नैतिकता भए राजीनामा देलान् भनेर आफूहरूले भनेको र अझै पनि नैतिकता छ भने राजीनामा दिन उनले चेतावनी दिइन् । उनले ओलीलाई हारेको प्रतिगामी भन्दै अब उठ्ने दिवास्वप्न नदेखे नदेख्न पनि आग्रह गरिन् ।

‘१३ दिनपछि संसदको बैठक शुरु हुन्छ, राजीनामा नदिए संसदबाट गलत्याएर फालिने छ,’ उनले भनिन् ।

उनले सर्वोच्च अदालतले ओलीको प्रतिगमनकारी सोचलाई खारेज गरिदिएको प्रतिक्रिया दिइन् । उनले भनिन्, ुनेपालको हिटलर बन्न खोज्ने ओलीको तानाशाही पराजित भएको छ ।’