काठमाडौँ– सुदुरपश्चिम प्रदेशले प्रधानमन्त्री कप राष्ट्रिय एकदिवसिय प्रतियोगितामा सान्त्वना जित हात पारेको छ ।

आइतबार कीर्तिपुरस्थित विश्वविद्यालय क्रिकेट मैदानमा भएको खेलमा प्रदेश २ लाई ३ विकेटले पराजित गर्दै प्रतियोगिताको सुखद् अन्त्य गरेको हो ।

टस हारेर पहिलो ब्याटिङ गरेको प्रदेश २ ले सुदुरपश्चिमलाई जितका लागि १ सय ५७ रनको लक्ष्य दिएको थियो । सुदुरपश्चिमले मात्रै ७ विकेट गुमाएर ३३ ओभरमा लक्ष्य पुरा गर्‍यो ।

सुदुरपश्चिमका ओपनरद्वयले राम्रो सुरुवात गरेका थिए । जसमा उनीहरुले ७८ रनको साझेदारी खेलेका थिए । ओपनर गजेन्द्र बोहराले छ चौकाको मद्दतमा ३९ रन बनाए भने कप्तानसमेत रहेका खडक बोहराले उतिनै चौकाको मद्दतमा ४३ रन बनाए ।

यस्तै, सञ्जु धामीले अर्धशतक प्रहार गरे । उनले ३६ बलको सामना गर्दै २ छक्का र ८ चौकाको मद्दतमा ५७ रन बनाए भने अरुण ऐरीले १९ रन प्रहार गरे ।

सुदुरपश्चिमविरुद्ध प्रदेश २ का ९ जना खेलाडीले बलि गरे । तर, विकेट झार्न सकेनन् । सुदुरपश्चिमविरुद्ध प्रदेश २ को बलि फिक्का बन्यो । सुदुरपश्चिमविरुद्ध प्रदेश २ का कुमार थापाले ३ विकेट लिए । यस्तै, हरिशंकर शाहले २ विकेट लिए भने रवि शाह र विवेक यादवले समान एक –एक विकेट लिए ।

यसअघि पहिलो ब्याटिङ गरेको प्रदेश २ ले ४२ ओभरमा सबै विकेट गुमाउँदै १ सय ९५ रन बनाएको थियो । उसका लागि हरिशंकर शाहले अर्धशतकसहित ६० रन बनाएका थिए । उनले ७३ बलको सामना गर्दै ९ चौका प्रहार गरेका थिए ।

यस्तै, विवेक यादवले ३ छक्का र २ चौकाको मद्दतमा ४१ रन बनाए महेबुब आलमले २३ रन बनाउँदा प्रदेश २ ले ३२ रन एक्स्ट्रा पाएको थियो ।

प्रदेश २ विरुद्ध सुदुरपश्चिमका नरेन्द्र सावद र शेर मल्लले समान ३–३ विकेट लिए । यस्तै, अरुण ऐरीले २ विकेट लिए भने हेमन्त धामी र भोजराज भट्टले समान १–१ विकेट लिए ।