काठमाडौँ– नेपाली कांग्रेसको पदाधिकारी बैठक शुरु भएको छ।

बैठक प्रधानमन्त्री तथा कांग्रेसका सभापति शेरबहादुर देउवाको निवास बुढानिलकण्ठमा जारी छ ।

बैठकमा सहभागी हुन प्रधानमन्त्री देउवा बुढानिलकण्ठ पुगेका छन् ।

आजको बैठकमा पदाधिकारी तथा पूर्वपदाधिकारी सहभागी छन् । आजको बैठक पार्टीको आसन्न महाधिवेशनकै विषयमा केन्द्रित हुने केन्द्रीय कार्यालयका मुख्य सचिव कृष्णप्रसाद पौडेलले जानकारी दिए।

कांग्रेसको १४ औं महाधिवेशन भदौ १६ देखि हुने भनिएको छ। यद्यपि क्रियाशिल सदस्यको विवाद टुंगो नलाग्दा १२ गतेबाट हुने वडा तहको अधिवेशन तोकिएको समयमा नहुने निश्चित भइसकेको छ।

यस्तो अवस्थामा महाधिवेशनको मिति सार्ने विषयमासमेत पदाधिकारीबीच छलफल हुने बताइएको छ।