काठमाडौँ– राष्ट्रिय विपद जोखिम न्यूनीकरण तथा व्यवस्थापन प्राधिकरणले हाल देशका विभिन्न भागमा वर्षा भइरहेको र भारी वर्षाको सम्भावना रहेको हुँदा आवश्यक सतर्कता अपनाउन अनुरोध गरेको छ ।

उसले आफ्नो आधिकारिक फेसबुकमा हालको मौसमको अवस्थाबारी जानकारी दिँदै केही ठाउँमा मध्यम वर्षा भइरहेको र यो प्रणाली अझै विकसित हुँदै गइरहेकाले आवश्यक सतर्कता अपनाउन अनुरोध गरेको हो ।

प्राधिकरणले सामाजिक सञ्जालमा लेखिएको छ, ‘हाल बाग्मती प्रदेश , गण्डकी प्रदेश, लुम्बिनी प्रदेश र कर्णाली प्रदेशका धेरै जिल्लाहरुमा हल्का देखि मध्यम वर्षा भईरहेको छ । यो प्रणाली अझ विकसित हुँदै गइरहेको छ । साथै गण्डकी प्रदेश र लुम्बिनी प्रदेशका थोरै स्थानहरुमा मेघ गर्जन, चट्याङ्ग सहित भारी वर्षाको समेत सम्भावना रहेकोले आवश्यक सतर्कता अपनाउनुहोला ।’