काठमाडौँ– बूढानीलकण्ठ नगरपालिकाले नीति तथा कार्यक्रम प्रस्तुत गरेको छ । बुधबार आठौं नगरसभामार्फत नगरपालिकाको नीति तथा कार्यक्रम नगर प्रमुख उद्धवप्रसाद खरेलले प्रस्तुत गरेका हुन् ।

उनले वार्षिक लक्ष्यको ५० प्रतिशत मात्रै कार्य सम्पादन गर्न सक्षम रहेको बताउँदै कोरोना भाइरसको जोखिमकाका कारण अपेक्षित काम हुन नसकेके धारणा राखे ।

उनले कोभिडकै बेला गत आर्थिक वर्ष दुई अर्व भन्दा बढिको बजेट सार्वजनिक भए पनि कोभिडकै कारण काम गर्न नसकिएको जानकारी दिए ।

मेयर खरेलले कोरोना भाइरस नियन्त्रण गर्न सबै काम छोडेर लाग्नुपरेको स्मरण गरे । उनले महामारीकैबीच नीति तथा कार्यक्रम पारित गरिए पनि निषेधाज्ञाले कार्यक्रम प्रभावित भएको बताए ।

उनले कोरोनाकै कारण अहिले पनि विभिन्न कार्यहरु थाति राखेको जानकारी दिए । ठुलठुला योजनाहरु चालु रहेको बताउनुभयो । कार्यक्रममा हाम्रो बूढानीलकण्ठ नामक बुलेटिन समेत विमोचन गरिएको थियो ।