एजेन्सी- दोस्रो स्थानमा रहँदै रियल मड्रिडले स्पेनिस ला लिगाको सुखद अन्त्य गरेको छ ।

सिजनको आफ्नो अन्तिम खेलमा पुनरागमन जित निकाल्दै रियल मड्रिडले सुखद अन्त्य गरेको हो ।

शनिबार राति भएको खेलमा रियलले उत्कृष्ट पुनरागमन गर्दै भिल्ला रियलमाथि २-१ गोलको जित निकालेको हो ।

खेलको २०औँ मिनेटमा एरिमी पिनोले गोल गर्दै भिल्लालाई अग्रता दिलाएका थिए ।

८७औं मिनेटमा बेन्जिमाले गोल गर्दै रियललाई १-१ गोलको बराबरीमा फर्काए । खेलको इन्जुरी समयको दोस्रो मिनेटमा लुका मोड्रिचले गोल गर्दै रियललाई २-१ को जित दिलाए ।

रियल च्याम्पियन एट्लेटिको मड्रिड भन्दा २ अंकले पछि पर्‍यो । दोस्रो स्थानको रियलले ३८ खेलमा ८४ अंक जोड्यो । एट्लेटिकोले ८६ अंक जोड्यो । भिल्ला ५८ अंक जोडेर सातौँ स्थानमा रह्यो ।