लसएञ्जल्स– मार्वल सिनेमेटिक युनिभर्सको सबैभन्दा चर्चित भूमिका आयर मेनका फ्यानलाई त्यो बेला झड्का लाग्यो, जब सन् २०१९ मा रिलिज फिल्म ‘एभेन्जर्सः एण्ड गेम’मा आयरन मेनलाई मारिएको देखाइएको थियो ।

फिल्म हेरेपछि आयरन मेन मरेको थाहा पाएपछि सामाजिक सञ्जालमा एक किसिमको हंगामा नै मचियो । फिल्म रिलिजको दोस्रो दिन नै आयरन मेन अर्थात रोबर्ट डाउनी जुनियरलाई जिउँदो बनाउन ट्रेण्ड सुरु भयो । तर निर्माताले फ्यानको आवाज सुनेनन् ।

बलिउड लाइफमा प्रकाशित समाचार अनुसार फिल्म रिलिजको दुई वर्षपछि आयरन मेनका फ्यानले पुनः उनलाई जिउँदो राख्न माग राखेका छन् । यसपटक सामाजिक सञ्जालमा नभई सडकमा उनीहरुले प्रदर्शन गरेका छन् ।

अमेरिकाको लसएञ्जल्समा रहेको सडकमा एक ब्यानर राखिएको छ । ब्यानरमा ‘हाम्रो प्रिय हिरो टोनी स्टार्कलाई पुनः जीवित गर्नुहोस् ।’ लेखिएको छ ।

यो फिल्म अप्रिल २२ मा नै अमेरिकामा रिलिज भएकाले दुई वर्ष अघिको त्यो क्षणलाई सम्झँदै फ्यानहरुले आयरन मेनलाई जीवितको माग राखेका हुन् ।