काठमाठौँ- जिल्ला प्रशासन कार्यालय कञ्चनपुरले कोरोना भाइरसको जोखिमलाई मध्यनजर गर्दै जिल्लामा विभिन्न गतिविधिमा रोक लगाएको छ ।

प्रशासन कार्यालयले आज राति १२ बजेदेखि अर्को सूचना जारी नभएसम्मका लागि विभिन्न गतिविधिमा रोक लगाएको जानकारी दिएको हो।

भारतमा कोरोना सङ्क्रमितको सङ्ख्या बढिरहेको भन्दै प्रशासनले सीमा क्षेत्रबाट मापदण्ड बमोजिम आवत-जावत र सामान ढुवानी गर्ने समयसीमा समेत बिहान ६ बजेदेखि बेलुका ८ बजेसम्म कायम हुने गरी निरन्तरता दिने बताएको छ ।

प्रमुख जिल्ला अधिकारी रामकुमार महतोले एक आदेश जारी गर्दै होली लगायतका भीडभाड हुने कार्य गर्न रोक लगाएको जनाएका छन्।

आदेशमा भएको व्यवस्था अवज्ञा गरेको पाइएमा संक्रामक रोग ऐन बमोजिम कारबाही हुने जनाइएको छ ।

यस्तो छ जिल्ला प्रशासनद्वारा जारी आदेश