लसएन्जल्स– विश्वविख्यात बक्सर माइक टाइसनको जीवनकथा अब टेलिभिजन सिरिजका रुपमा आउने भएको छ । ‘आइरन माइक’ नाम दिइएको सिरिजमा स्वयं टाइसनको अभिनय भने हुनेछैन ।

इण्डियन टाइम्समा प्रकाशित समाचारअनुसार सिरिजमा टाइसनसहित मार्टिन स्कर्सेस र जेमी फक्सको लगानी रहनेछ ।

सिरिजमा अभिनेता जेमी फक्सले टाइसनको भूमिका निर्वाह गर्नेछन् ।

‘धेरै समयका लागि कथा बताउन म तयार छु’, टाइसनले भनेका छन्, ‘यो सिरिजले मेरो व्यक्तिगत र व्यावसायिक जीवनको पाटोलाई मात्र उतार्नेछैन्, यसले आम मानिसमा मनोरञ्जनसँगै प्रेरणा पनि दिनेछ ।’

सिरिजको रिलिज मिति सार्वजनिक नभए पनि यो आठ एपिसोडको हुनेछ । सिरिजले माइकको विवाद, वियोगान्त कथा र उनको करियरलाई देखाउनेछ ।