चितवन– चितवन भरतपुर महानगरपालिका–१७ सिमलडाँडामा बिहीबार बिहान ८ बजे मृत अवस्थामा फेला परेका व्यक्तिको सनाखत भएको छ ।

उनी धादिङ निलकण्ठ नगरपालिकाका ३६ वर्षीय भरत गुरुङ रहेको चितवन प्रहरी कार्यालयले जनाएको छ । उनी नेपाल सेनाको हुद्दा रहेको पनि प्रहरीले जनाएको छ ।

गुरुङ चितवनमा रहेको आफन्तको घरमा आएको पत्ता लागेपछि आफन्तको घर पत्ता लगाएर जाँच बुझ गर्दा उनको झोलासमेत फेला परेको थियो ।

उक्त झोलामा रहेका कागजात हेर्दा उनी नेपाली सेनाको महेन्द्र दल गणको हुद्दा भएको खुलेको प्रहरीले जनाएको छ ।

घटनाका बारेमा थप अनुसन्धान भइरहेको प्रहरीले जनाएको छ। उनी जग्गा किन्ने भन्दै चितवन आएको अनुसन्धानबाट खुलेको प्रहरीको भनाइ छ ।