काठमाडौँ- इंग्लिस प्रिमियर लिग फुटबलमा शीर्ष स्थानको म्यानचेस्टर सिटी उपाधि नजिक पुगेको छ ।

बुधबार राति भएको खेलमा सिटीले एस्टन भिल्लालाई २-१ गोलले पराजित गरेको सिटी केही खेल बाँकी रहँदै उपाधि नजिक पुगेको हो ।

बुधबार भएको खेलमा एस्टनको मैदानमा सुरुवाती अग्रता घरेलु टोलीले बनाएको थियो । खेलको पहिलो मिनेटमै जोन म्याकगिनले गोल गर्दै एस्टनलाई १-० को अग्रता दिलाएका थिए ।

२२औं मिनेटमा फिल फोडेनले गोल गर्दै सिटीलाई १-१ को बराबरीमा फर्काए । ४०औं मिनेटमा रोड्रीले गोल गर्दै सिटीलाई २-१ को जित दिलाए ।

यस जितसँगै सिटीले लिगमा ११ अंकको अग्रता बनाएको छ । सिटीले ३३ खेलमा ७७ अंक जोडेको छ । दोस्रो स्थानको युनाईटेडको ६६ अंक रहेको छ । एस्टन ४४ अंक जोडेर ११औँ स्थानमा छ ।