प्रिमियर लिगमा लिभरपुल पराजित

९ माघ २०७७, शुक्रबार

पढ्न लाग्ने समय : < 1 मिनेट

एजेन्सी- इंग्लिस प्रिमियर लिग फुटबलमा लिभरपुल घरेलु मैदानमा पराजित भएको छ ।

बिहीबार राति बर्नलीसँग १-० गोल अन्तरले पराजित भएसँगै लिभरपुलको अपराजित यात्रामा पनि पूर्णविराम लागेको छ ।

लिभरपुल ६८औँ खेलसम्म घरेलु मैदानमा अपराजित रहेको थियो । लिभरपुलको यो सिजनको तेस्रो हार हो ।

बर्नलीलाई जित दिलाउन एस्ले बर्नेसले निर्णायक गोल गरे । उनले खेलको ८३औँ मिनेटमा पेनाल्टीबाट गोल गरेका थिए ।

हारपछि लिभरपुल ३४ अंकसहित चौथो स्थानमा रहेको छ । बर्नली १९ अंक जोडेर १७औँ स्थानमा उक्लिएको छ ।

प्रकाशित मिति : ९ माघ २०७७, शुक्रबार ७ : २२ बजे

प्रतिक्रिया