काठमाडौँ– प्रधानमन्त्री शेरबहादुर देउवाले शुक्रबार एक कार्यक्रमका उद्घाटन गरेका भारतीय टिभी च्यानल विवादबारे टिभी च्यानल सञ्चालक संस्था पतञ्जलि योगपीठले प्रष्टीकरण दिएको छ ।

प्रधानमन्त्री देउवाले उद्घाटन गरेका च्यानलले अनुमति नै नलिएको खुलेपछि यो विषय विवादित बनेको छ । पतञ्जलि योगपीठ नेपालका आईटी इन्चार्ज सन्दीप वाल्मीकिले आइतबार एक विज्ञप्ति जारी गर्दै च्यानल उद्घाटनबारे प्रष्टीकरण दिएका छन् ।

उनले टिभीसञ्चालनको उद्घाटन नै नभएको दाबी गरेका छन् । उनले टिभी सञ्चालनका लागि बनेको भवनको मात्र उद्घाटन गरिएको बताएका छन् । नेपालको कानूनअनुसार सबै विधि प्रक्रिया पूरा गरेर टिभी च्यानल सञ्चालन गरिने उनले बताएका छन् ।

यसैबीच सूचना तथा प्रसारण विभागले यो प्रक्ररणमा एकजना निर्देशकको संयोजकत्वमा चार सदस्यीय छानबिन समिति गठन गरी स्थलगत अध्ययन थालेको छ ।

भारतीय योग गुरु बाबा रामदेव तथा पीठका प्रमुख आचार्य बालकृष्णसहित नेपाल आएका थिए ।