वासिंटन–अमेरिकी विदेश मन्त्रालयले लश्कर ए तोइबा लगायतका समूहहरुलाई आतंकवादी संगठनको सूचीमा कायमै राखेको छ ।

अमेरिकी विदेश मन्त्रालयले अध्यागमन तथा राष्ट्रियता ऐनको धारा २१९ र कार्यकारी आदेश १३२२४ अन्तर्गत यी आतंकवादी समूहहरुको नाम संज्ञाबारे संशोधन गर्दै यी समूहहरुलाई अन्तराष्ट्रिय आतंकवादी संगठनको सूचीमा कायमै राखेको हो ।

विदेश मन्त्रालयले अध्यागमन तथा राष्ट्रियता ऐनको धारा २१९ अन्तर्गत जयस रिजल अल तारिक अल नक्सबन्दी, अल नुस्रा फ्रन्ट, कन्ट्युनिटी आइरिस रिपब्लिकन आर्मी, नेसनल लिबरेसन आर्मी लगायतका संगठनहरुको आतंकवादी संगठनहरुलाई समेत सूचीमा कायमै राख्दै समिक्षा गरेको छ ।

अमेरिकामा अन्तराष्ट्रिय आतंकवादी संगठन (एफटीओ) तथा विशेष विश्वब्यापी आतंककारी (एसडीजिटी०)मा सूचीकृत समूहहरुलाई सबै किसिमको सहायतामा प्रतिबन्ध छ ।

यस्ता आतंकवादी समूहहरुको सम्पति तथा रकमका श्रोतहरुमा अमेरिकाको नियन्त्रण रहने, यी समूहमा आबद्ध व्याक्तीहरु प्रतिबन्ध गर्ने, अमेरिकी नागरिकहरु यस्ता आतंकवादी समूहहरुसँग कुनै किसिमको कारोबार गर्न निषेधित छन् ।

यस्ता आतंकवादी समूहहरुसँग आबद्ध तथा सहायता गर्नु संघीय अपराध मानिन्छ । अमेरिकी विदेश मन्त्रालयको पछिल्लो शंसोधन र समिक्षाले यी समूहहरु अझै आतंकवादीको सूचीमा रहेको स्पष्ट पारेको छ । यी आतंकवादी समूहहरुमाथि अमेरिकी आर्थिक सहायतामा प्रतिबन्ध कायमै रहने छ ।