काठमाडौँ- फ्रेन्च लिग वानमा पेरिस सेन्ट जर्मेन (पीएसजी)ले अपराजित यात्रा कायमै राखेको छ ।

आइतबार राति पीएसजीले लियोनलाई २–१ गोलले हराउँदै पीएसजीले अपराजित यात्रा कायमै राखेको हो ।

पीएसजीको जितमा नेयमार र इकार्डीले गोल गरे । लियोनका टोलेन्टिनो कोएल्हो डे लिमाले एक गोल फर्काए ।

जितसँगै शीर्ष स्थानमा रहेको पीएसजीले ६ खेलबाट शत प्रतिशत जितसहित १८ अंक बटुलेको छ ।

मेस्सी असन्तुष्ट

घरेलु मैदानमा पहिलो पटक उत्रिएका लियोनल मेस्सी प्रशिक्षकसँग असन्तुष्ट बनेका छन् ।

दोस्रो हाफमा उनलाई मैदान बाहिर निकालिएपछि उनी प्रशिक्षक मौरिसियो पोचिटिनोसँग असन्तुष्ट भएका हुन् ।

पहिलो हाफमा उनको प्रहार पोस्टमा लागेर फर्किएको थियो भने गोलकिपर एन्थोनी लोप्सले समेत राम्रो बचाउ गरेका थिए । उनको स्थानमा आच्राफ हाकिमी मैदान छिरेका थिए ।