काठमाडौँ- जनता समाजवादी पार्टीका नेता डा. बाबुराम भट्टराईले प्रधानमन्त्री केपी शर्मा ओली र राष्ट्रपति विद्यादेवी भण्डारीलाई ‘खुराफात शीरोमणि’ द्वयको संज्ञा दिएका छन् ।

राष्ट्रपतिले नयाँ सरकार गठनका लागि आह्वान गरेसँगै उनको यस्तो प्रतिक्रिया आएको हो ।

सामाजिक सञ्जालमार्फत उनले कोरोना महाव्याधीको संकटका बेला देशलाई ‘अनिश्चित र हुनसेन स्टाइल चुनावको अँध्यारो सुरुङमा धकेल्नेहरु’लाई दण्डित र परास्त गर्नुपर्ने बताएका छन् ।

उनले सबै राजनीतिक दलहरुले दलीय तथा नीजि स्वार्थ त्यागेर संविधानको धारा ७६(५) बमोजिम निकास दिन पनि आग्रह गरेका छन् ।

खुराफात शीरोमणि द्वयको षडयन्त्र र संविधानमाथिको आक्रमणको शृंखला नरोकिने भयो।कोरोना महाब्याधीको यत्रो संकटको वेला देशलाई अनिश्चित र हुनसेन स्टाइल चुनावकोअंध्यारो सुरूंगमा धकेल्नेहरूलाई दण्डित/परास्त गरौं।सबैले दलीय /निजी स्वार्थ त्यागेर जोजेमा सहमति हुन्छ धारा७६(५)बाटै निकास दिऊॅ!

— Baburam Bhattarai (@brb1954) May 20, 2021