लसएञ्जल्स– चार पटक ओस्कार अवार्ड जितेका फिल्म निर्देशक वुडी एलेनमाथि उनकी छोरीले यौन शोषणको आरोप लगाएकी छन् । एलेनले आफ्नै सौतेनी छोरी सुन–यी प्रेभिनसँग विवाह गरेका थिए । उनीमाथि अन्य छोरीले यौन शोषणको आरोप लगाएका हुन् ।

फक्स न्यूजअनुसार सन् २०२०मा ड्रुको टक शो ‘द ड्रुव बैरीमोर शो’मा वुडीको सौतेली छोरी डाइलन फैरो अतिथीका रुपमा आएकी थिइन् । शोमा उनले आफूमाथि पिताले यौन शोषण गरेको खुलासा गरेकी हुन् ।

उनले आफू सात वर्षको हुँदा वुडीले यौन शोषण गरेको बताएकी छन् । यो खुलासापछि ड्रुवले वुडीसँग काम गरेर पछुताएको उल्लेख गरेकी छन् ।

सन् १९८० मा वुडी र मिया सम्बन्धमा थिए । वर्षौसम्म सहकार्य गरेपछि सन् १९९२ मा अचानक वुडीले सुनसँग आफू सम्बन्धमा रहेको खुलासा गरेका थिए । सुन उनीभन्दा ३५ वर्ष कान्छी छिन् ।

सुन–यी मियाकी धर्मछोरी हुन् । जसलाई उनले आफ्नो पहिलो सम्बन्धको समय अपनाएकी थिइन् । वुडीको खुलासाको पाँच वर्ष पछि सुनसँग विवाह गरेका थिए । सुनले कैयौंपटक आफ्नो आमा मिया र वुडी सम्बन्धमा रहे पनि वुडी आफ्ना लागि कहिल्यै पिता नभएको बताएकी थिइन् ।

मियाले पति वुडी र धर्मछोरी सुनबीचको सम्बन्ध वुडीको घरमा छोरीको नग्न तस्वीर भेटेपछि थाहा पाएको जनाएकी छन् । त्यसपछि उनले वुडीसँग आफ्नो सम्बन्ध तोडेकी थिइन् ।

यद्यपि वुडीले भने छोरी डाइलनलाई मियाले भड्काएको र सुनसँगको सम्बन्धका कारण मिया आफूविरुद्ध उत्रिएको आरोप लगाएका छन् । द कनेक्टिकट स्टेट अटर्नीले यो मामलाको अनुसन्धान गरे पनि वुडीविरुद्ध कुनै मुद्दा दर्ता गराएन ।

अटर्नीले यो मुद्दालाई चाइल्ड सेक्सुअल अब्यूज क्लीनिक अफ येललाई सुम्पिदियो । तर येलले पनि कुनै प्रमाण नभेटेपछि मिया फैरोलाई दोषी ठहर्‍यायो ।

वुडी र मियाले एक छोरा मोसेज र छोरी डाइलनलाई अंगालेका थिए । यसबाहेक दुवैको एक बायोलोजिकल सन्तान सैचल पनि छ । अदालतमा वुडीमाथि यौन शोषको आरोप साबित नभएपछि उनले आफ्ना तीन सन्तानलाई कस्टडीमा राखेका छन् ।