काठमाडौँ- इंग्लिस प्रिमियर लिग फुटबलमा लिभरपुल र लिड्स युनाइटेडले बराबरी खेल्दै अंक बाँडेका छन् ।
सोमबार राति भएको खेलमा लिभरपुल र लिड्स युनाईटेले १-१ गोलको बराबरी खेल्दै अंक बाँडेका हुन् ।
लिड्सको मैदानमा सुरुवाती गोलको अग्रता जोगाउन नसक्दा लिभरपुलले अंक बाँड्नु परेको हो ।
३१औं मिनेटमा साडियो मानेले गोल गर्दै लिभरपुललाई अग्रता दिलाएका थिए । ८७ औं मिनेटमा डिएगो लोरेन्टले गोल गर्दै लिड्सलाई हारबाट जोगाए ।
बराबरीसँगै लिभरपुलले शीर्ष चारमा पुग्ने अवसर गुमाएको छ । लिभरपुल ३२ खेलमा ५३ अंकसहित लिगको छैटौं स्थानमा रहेको छ । लिड्स ४६ अंक जोडेर दशौँ स्थानमा छ ।
प्रतिक्रिया