मुम्बई– अभिनेता अजय देवगन र शाहरुख खान बलिउडमा राज गर्ने प्रमुख अभिनेता हुन् भन्दा फरक नपर्ला । यी दुईको फ्यान फलोइङ उल्लेख्य छन् ।

बलिउड लाइफमा प्रकाशित समाचारअनुसार यी दुई अभिनेता अहिलेसम्म कुनै पनि फिल्ममा सँगै देखिएनन् । तर अहिले भने यी दुई अभिनेतालाई एक विज्ञापन कम्पनीले एकैठाउँमा ल्याएको छ ।

यी दुई अभिनेताले पहिलोपटक एक विज्ञापनमा अभिनयको सहकार्य गरेका छन् । उनीहरु अभिनित विज्ञापनको भिडियो सामाजिक सञ्जालमा भाइरल भइरहेको छ ।

भिडियोमा अजय र शाहरुख एक ब्राण्डको प्रमोसन गरिरहेका छन् । अनौठो कुरा के छ भने भिडियो हेरेपछि अजय र शाहरुखका क्रेजी फ्यानले भिडियोलाई ट्रेन्ड गर्न सुरु गरेका छन् ।

अजय र शाहरुखले हालसम्म कुनै पनि फिल्ममा सहकार्य नगरे पनि अजयकी पत्नी काजोल शाहरुखको मिल्ने साथी हुन् ।

शाहरुख र काजोलको अनस्क्रिन जोडीले वर्षौदेखि फिल्मी पर्दामा राज गर्दै आइरहेका छन् ।

तर अजय र शाहरुख भने फिल्मी सहकार्यमा एकापसमा दुरी बढाईरहेका छन् ।