मुम्बई– बलिउड अभिनेत्री प्रियंका चोपडा जोनस आफ्नो नयाँ रेष्टुरेन्ट ‘सोना’ खुलेपछि उत्साहित छिन् । उनले आफ्नो प्रोजेक्टसँगै रेष्टुरेन्टको प्रचारको काम पनि शुरु गरेकी छन् ।

उनले आफ्नो सामाजिक सञ्जालमा रेष्टुरेन्टको वेबसाइटको लिंक शेयर गर्दै त्यसको इन्टेरियरको रुप पनि पोस्ट गरेकी छन् । उनको रेष्टुरेन्ट अमेरिकाको न्यूयोर्कस्थित २० वी स्ट्रीटमा छ ।

आजतकमा प्रकाशित समाचारअनुसार रेष्टुरेन्टको भित्र काठका सामाग्री प्रयोग गरिएको छ । तस्वीरमा रेष्टुरेन्टमा दुई किसिमको बस्ने व्यवस्था मिलाइएको छ ।

जसमा एकातिर टेबल, कुर्सी र पर्खालसँग टासिएको बेञ्च छ । अर्कोतर्फ सोफा र टेबलको कम्बाइनेसन मिलाइएको छ । हरेक टेबलमा मिनी ल्याम्प र प्लेट–ग्लास राखेको देख्न सकिन्छ ।

रेष्टुरेन्टमा लाइटिङको कम्बाइनेसन पनि राम्रो मिलाइएको छ । उनले आफ्नो निक नेम मिमीको नामबाट प्राइभेट डाइनिङ रुम रेष्टुरेन्टमा बनाइएकी छन् ।

सोनाको वेबसाइट अनुसार यो डाइनिङ रुममा ८ देखि ३० व्यक्तिसँगै खाना खान सक्छन् । प्रियंकाकी बहिनी परिणीति चोपडा प्रियंकालाई ‘मिमी दिदी’ भनेर बोलाउछिन् ।

यो रेष्टुरेन्ट मार्च अन्त्यसम्म सञ्चालनमा आउनेछ । यो रेष्टुरेन्टमा खाना खानका लागि मानिसहरु मंगलबादेखि शनिबारसम्म साँझ ७ बजेदेखि रात ११ बजेसम्म जानसक्छन् ।