काठमाडौँ– भारतका लागि नेपाली राजदूत नीलाम्बर आचार्य र भारतीय कांग्रेसकी अध्यक्ष सोनिया गान्धीबीच भेटघाट भएको छ।

स्वदेश फर्कन लागेका राजदूत आचार्यले गान्धीसँग भारतको राजधानी नयाँ दिल्लीमा बिदाई भेट गरेका हुन्।

गान्धीकै निवासमा मंगलबार बिहान भएको भेटघाटमा दुई देशबीच रहेको सम्बन्धका विभिन्न पक्षमा विस्तृत छलफल भएको राजदूत आचार्यले सामाजिक सञ्जालमार्फत जानकारी दिएका छन् ।

ओली सरकारका पालमा राजदूत भएका आचार्यलाई कार्यकाल नसकिँदै देउवा सरकारले फिर्ता बोलाउने निर्णय गरेपछि उनी स्वदेश फर्किँदैछन् । देउवा सरकारले आचार्यलगायत ओली सरकारका पालमा राजनीतिक नियुिक्त भएका सबै राजदूतलाई फिर्ता बोलाउने निर्णय गरेको थियो ।