काठमाडौँ– कोरोना भाइरस संक्रमितको उपचारमा रगतको अभाव नहोस् भन्ने उद्देश्यले सावित्री कंचनजंगा अगरबत्तीले रक्तदान कार्यक्रमको आयोजना गरेको छ ।

विश्वकर्मा पूजाको अवसर पारेर उद्योग परिसरमा रक्तदान कार्यक्रम सम्पन्नको आयोजना गरेको हो । सामाजिक उत्तरदायित्व वहन गर्दै नेपाल रेडक्रससंगको सहकार्यमा सावित्री कंचनजंगा अगरबत्तीले रक्तदाननै जीवनदान हो भन्ने उद्देश्य अनुरुप कार्यक्रमको आयोजना गरेको हो ।

विश्वव्यापी कोभिड–१९ को सङ्क्रमणको त्रास र जारी निषेधाज्ञाका कारण देशका विभिन्न ठाउँमा रगत सङ्कलन प्रभावित भएपछि रगतको अभाव पुरा गर्न आफ्नै कर्मचारीहरुको संलग्नतामा रक्तदान कार्यक्रम आयोजना उद्योगले जनाएको छ ।

उक्त रक्तदान कार्यक्रमबाट ३५ युनिटभन्दा बढी रगत संकलन भएको छ। सावित्री कंचनजंगा अगरबत्तीले समय-समयमा विभिन्न सामाजिक उत्तरदायित्वमुलक कार्यक्रमहरु गर्दै आएको छ ।