काठमाडौँ– साउथ अफ्रिका र आयरल्याण्डबीचको तीन म्याचको ट्वान्टी–२० क्रिकेट सिरिज सोमबार शुरू हुँदैछ ।

सिरिजको पहिलो खेल नेपाली समयअनुसार सोमबार राति पौने नौ बजे डब्लिनमा शुरू हुनेछ ।

एक दिवसीय क्रिकेट सिरिजमा साउथ अफ्रिकालाई बराबरीमा रोकेको आयरल्याण्ड टी–२० क्रिकेट सिरिज भने घर मै राख्न चाहान्छ । सिरिजको पहिलो खेल वर्षाले प्रभावित भएको थियो भने दोस्रो खेलमा घरेलु टोली आयरल्याण्डले ४३ रनको बाजी मारेको थियो । तेस्रो तथा अन्तिम खेलमा ७० रनको जित निकाल्दै भ्रमणकारी टोली साउथ अफ्रिकाले सिरिज बचाएको थियो ।

३–३ म्याचको वन डे र टी–२० क्रिकेट खेल्न डब्लिन पुगेको साउथ अफ्रिका टेम्बा बाभुमा र आयरल्याण्ड एण्डी बालबिर्नेको कमानीमा मैदान उत्रनेछन् ।

टी–२० को विश्व वरियातामा साउथ अफ्रिका छैठौँ र आयरल्याड १२ औँ स्थानमा छन् ।