काठमाडौँ– लमजुङको मर्स्याङ्दी गाउँपालिकास्थित भुलभुले केन्द्रविन्दु बनाएर आज बिहान ५ दशमलव ८ रेक्टर स्केलको भूकम्पपछि पनि परकम्प जाने क्रम रोकिएको छैन ।

पछिल्लो पटक राति १० बजेर ३९ मिनेट जाँदा ४.५ रेक्टर स्केलको भूकम्प गएको राष्ट्रिय भूकम्प मापन केन्द्रले जनाएको छ ।  उक्त भूकम्प आज बिहान गएको भूकम्पकै परकम्प भएको केन्द्रले जनाएको छ ।

भूकम्प गएसँगै स्थानीय त्रसिद बनेका छन् । कोरोना कहरकाबीच भूकम्पले झन त्रास बढाएको उनीहरुले सामाजिक सञ्जालमा लेखेका छन् ।

भूकम्प मापन केन्द्रका अनुसार आज बिहान गएको भूकम्प सहितको गरी चार रेक्टर स्केलभन्दा माथिको भूकम्प ६ पटक गएको छ।

बिहान ५ बजेर ४२ मिनेटमा ५.८, ८ बजेर १६ मिनेटमा ४,  ८ बजेर १७ मिनेटमा ४.१ र ८ बजेर २६ बजेटमा ५.३ रेक्टर स्केललको भूकम्प गएको केन्द्रले जनाएको छ ।

यसैगरी दिउँसो ३ बजेर ८ मिनेटमा ४ र राति १० बजेर ३९ मिनेटमा ४.५ रेक्टर स्केलको भूकम्प गएको केन्द्रले जनाएको छ ।

जिल्लामा अझै भूकम्पको धक्का पटकपटक महसुस भइरहेको छ । यसअघि साँझ ७ बजेर ३ मिनेट र ७ बजेर २४ मिनेटमा समेत ४ रेक्टर स्केल भन्दा कमको भूकम्प गएको केन्द्रले जनाएको छ ।