काठमाडौँ– पेट्रोलियम पदार्थमा गरिएको मूल्य वृद्धिको विरोध गर्दै नेकपा दाहाल–नेपाल पक्ष निकट विद्यार्थी संगठन अनेरास्ववियूले नेपाल आयल निगमको केन्द्रीय कार्यालय घेराउ गरेको छ।

बिहीबार नेकपाको भ्रातृ संगठन अनेरास्ववियूले बबरमहलस्थित निगमको केन्द्रीय कार्यालय घेराउ गरेको हो । प्रदर्शनमा सहभागीहरुले पेट्रोलियम पदार्थमा गरिएको मूल्य वृद्धि सरकारले तत्काल फिर्ता लिनुपर्ने भन्दै नारा लगाएका थिए ।

एक हप्तामै दुई पटक पेट्रोलियम पदार्थको मूल्य वृद्धि गरेपछि त्यसको विरोधमा विद्यार्थीहरु आन्दोलित भएका हुन् ।

हेरौँ भिडियो

उनीहरु बढ्दो महङ्गी नियन्त्रण गर, मूल्य वृद्धिले ढाड सेकियो लगायतका नारा लगाउँदै प्लेकार्डसहति प्रदर्शनमा उत्रिएका थिए ।

आयल निगमले मंगलबार रातिदेखि लागू हुने गरी डिजेल, पेट्रोल, मट्टितेल र आन्तरिक हवाई इन्धनको मूल्य प्रतिलिटर दुई रुपैयाँ बढाएको थियो ।