काठमाडौँ– नेपाल कम्युनिस्ट पार्टी (नेकपा) दाहाल–नेपाल समूहका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी शर्मा ओलीलाई ‘भेडा’को संज्ञा दिएका छन् ।

नेकपा दाहाल–नेपाल समूह निकट अखिल नेपाल महिला संघ (अनेमसंघ) केन्द्रीय समितिको दोस्रो पूर्ण बैठकलाई सम्बोधन गर्दै उनले ओलीलाई ‘भेडा’को संज्ञा दिएका हुन् ।

उनले सिंह र भेडाको दृष्टान्त दिँदै आफूहरु सिंह भएको बताए । २–३ वर्ष ओलीसँगको संगतका कारण अलिअलि आफूहरु पनि भेडा पो हो कि ? भन्ने अवस्थामा आएको  बताए ।

‘हामीले केपी ओली जस्ता भेडाहरुको संगत गरियो २–३ वर्ष । अलि-अलि भेडाजस्ता हामी पनि भएका छौं कि क्या हो ?’,  उनले भने, ‘यसकारण हामीले एकचोटी ऐना अगाडि उभिएर हेरौँ, हामी त सिंहका सन्तान हौँ । जुरुक्क उठेर गर्जियौँ भने केपी ओलीजस्ता भेडाहरु भाग्छन् ।’

हेरौँ भिडियो