काठमाडौँ– आइपील क्रिकेटमा चेन्नई सुपर किंग्सले पहिलो जित हात पारेको छ ।

शुक्रबार राति सम्पन्न खेलमा चेन्नईले पन्जाब किंग्सलाई ६ विकेटले पराजित गरेको हो ।

१ सय ७ रनको झिनो विजयी लक्ष्य पछ्याएको चेन्नईले १५. ४ ओभरमा ४ विकेट गुमाउँदै जित हासिल गर्‍यो ।

चेन्नईका फाफ डु प्लेसिस ३३ बलमा ३ चौका र १ छक्का सहित ३६ रनको योगदान दिए । मोईन अली ३१ बलमा ७ चौका र १ छक्कासहित ४६ रनको योगदान दिए ।

पन्जाबका मोहम्मद शामीले २ विकेट लिए । अर्शदीप सिंह र मुरुगन आश्विनले १-१ विकेट लिए ।

त्यसअघि वानखडे स्टेडियम मुम्बइमा टस हारेर पहिला ब्याटिङ थालेको पन्जाबले निर्धारित २० ओभरमा ८ विकेट गुमाउँदै १ सय ६ रन बनाएको थियो ।

पन्जाबका शाहरुख खानले ३६ बलमा ४ चौका र २ छक्का सहित सर्वाधिक ४७ रनको योगदान दिए । झेय रिचर्डसनले २२ बलमा २ चौका सहित १५ रन बनाए । क्रिस गेल र दीपक हुडाले १०/१० रन बनाउन बाहेक अन्य ब्याट्सम्यानले दोहोरो अंकको रन बनाएनन् ।

चेन्नइका दीपक चाहरले ४ विकेट लिए ।