मुम्बई– भारतमा कोरोना भाइरसको कहर भलै कम भए पनि यसको खतरा अझै टरेको छैन । भारतमा यो महामारीको चपेटामा बलिउड कलाकारहरु पनि परिरहेका छन् । यही सूचीमा अभिनेता रणवीर शौरी पनि जोडिएका छन् ।

रणवीर आफैंले कोरोना संक्रमण भएको ट्वीट गरेका छन् । ‘म कोभिड १९ पोजेटिभ भएको छु । लक्षण सामान्य छ । म क्वारेन्टाइनमा छु’, उनले ट्वीट गरेका छन् । रणवीरको यो ट्वीट सामाजिक सञ्जालमा भाइरल भइरहेको छ ।

अभिनेताका फ्यान तथा सामाजिक सञ्जाल प्रयोगकर्ता उनको चाँडो स्वास्थ्य लाभको कामना गरिरहेका छन् । यसअघि रणवीर किसान आन्दोलनमा प्रतिक्रिया दिएका कारण चर्चामा थिए ।

रणवीर फिल्मका अलावा सामाजिक र राजनीतिक मुद्दामा पनि खुलेर बोल्ने गर्दछन् । केही समय अघि हलिउड स्टारहरु रिहाना ग्रेटा थनबर्गले किसान आन्दोलनको बारेमा टिप्पणी गरेपछि रणवीरले उनीहरुलाई कानूनको बारेमा केही जानकारी नभएको प्रतिक्रिया दिएका थिए ।
–एजेन्सी