काठमाडौँ– सरकारले चीनबाट खरिद गरेको ४४ लाख भेरोसेल खोप भोलि नेपाल आइपुग्ने भएको छ ।
उक्त खोप ल्याउन नेपाल एयरलाइन्सको वाइडबडी विमान राति ११ बजे उडेको निगमका महाप्रबन्धक डिमप्रकाश पौडेलले जानकारी दिए ।
स्वास्थ्य तथा जनसङ्ख्या मन्त्रालयका सचिव डा रोशन पोखरेलका अनुसार चीनसँग खरिद गरिएको उक्त खोप शुक्रबार दिउसो २ बजे नेपाल आइपुग्नेछ ।
सरकारले ६० लाख खरिद गरेकामा यसअघि १६ लाख खोप नेपाल ल्याइसकेको छ । नेपालमा अहिलेसम्म एक करोड ३३ लाख खोप आइसकेको छ ।
सरकारले असोज मसान्तसम्म एक करोड थप खोप ल्याउने तयारी रहेको छ ।
प्रतिक्रिया