काबुल– तालिबानले अफगानिस्तानको सत्ता कब्जा गरेसँगै देश छाड्न राजधानी काबुलको हमिद करजई अन्तर्राष्ट्रिय विमानस्थलमा हजारौँको संख्यामा मानिसहरुको भीड लागेको छ ।
धावनमार्गमा गुडिरहेको विमानको अगाडि पछाडि उनीहरुको अनियन्त्रित भिड भिडियोमा देख्न सकिन्छ । केही मानिसहरु विमानमा झुण्डिएको दृश्यहरु पनि सामाजिक सञ्जालमा भाइरल छन् ।
उडिरहेको बिमानबाट तीन जना खसिरहेको ‘कारुणिक दृश्य’ पनि सामाजिक सञ्जालमा भाइरल बनेको छ।
अमेरिकाको जस्तो देखिने विमानबाट उनीहरु खसको भिडियोमा देखिन्छ । उडिरहेको विमानबाट उनीहरु खसेको भिडियोमा देखिए पनि यसबारे विस्तृत विवरण आउन सकेको छैन ।
विमानबाट मानिसहरु खसेको कारुणिक दृश्य
Images that define the US failed policy in Afghanistan #kabulairport pic.twitter.com/ZXd4FwHxF2
— Murtaza Ali Shah (@MurtazaViews) August 16, 2021
अमेरिकाले काबुलस्थित दूतावासका कर्मचारी र उनीहरुका अफगानिस्तान सहकर्मीहरुलाई उद्धार गर्न सेना परिचालन गरेको छ । अमेरिकी सेनाले काबुलको विमानस्थललाई आफ्नो नियन्त्रणमा लिएको छ ।
काबुलका सडकहरूमा भने तालिबान लडाकुहरू यत्रतत्र देखिन्छन् भने हजाराैँको सङ्ख्यामा मानिसहरू विदेश जाने प्रयासमा विमानस्थलमा भेला भएका छन् ।
६० भन्दा बढी देशले संयुक्त विज्ञप्ति जारी गरेर माहिसहरूलाई अफगानिस्तान बाहिर जान दिन तालिबानलाई आह्वान गरेका छन्।
हेरौँ भिडियो
Can’t believe my eyes. Men holding lower part of the US aircraft moments before it took off from #Kabul airport. pic.twitter.com/bT97WrNa12
— Sudhir Chaudhary (@sudhirchaudhary) August 16, 2021
आज बिहान विमानस्थलमा अनियन्त्रित भिडलाई तितरबितर पार्न अमेरिकी सेनाले हवाइ फायर गरेको प्रत्यक्षदर्शीहरूलाई उद्धृत गर्दै बीबीसीले जनाएको छ ।
तालिबान लडाकूहरुले काबूलमा कब्जा जमाएपछि काबुल छाड्न विमानस्थलमा मच्चिएको भागदौडका कारुणिक दृश्य सञ्चार माध्यमहरुमा प्रसारण भइरहेको छन्।
प्रतिक्रिया