झापा– नेकपा एमालेका वरिष्ठ नेता माधवकुमार नेपालले प्रधानमन्त्री केपी शर्मा ओलीले झुटको खेती गरिरहेको आरोप लगाएका छन् ।

शुक्रबार झापाको बिर्तामोडमा नेपाल समर्थित नेकपा एमालेले आयोजना गरेको जिल्ला स्तरीय कार्यकर्ता भेलालाई सम्बोधन गर्दै नेता नेपालले प्रधानमन्त्री ओलीले झुटको खेती गरिरहेको आरोप लगाएका हुन् ।

नेता नेपालले पार्टी विधान विपरित ओलीले पार्टीबाट आफूहरुलाई हटाएको बताए ।

भेलाले नेपाल पक्षधर नेकपा एमाले झापाका अध्यक्ष वोधराज रेग्मीको अध्यक्षतामा ३ सय ५१ सदस्यीय जिल्ला कमिटी घोषणा गरेको छ ।

कमिटीको उपाध्यक्षमा चन्द्रा श्रेष्ठ, सचिवमा निलमणि बराल उपसचिवमा मणि भण्डारी लगायत ३५१ सदस्यीय समिति रहेका र विभिन्न विधागत कमिटी समेत गठन गरिएको छ ।