काठमाडौँ– नेपालमा केही दिन यता कोरोना संक्रमितको संख्या बढ्दो दरमा देखिएको छ । अहिले युवा तथा बालबालिकाहरुमा युके भेरियन्ट संक्रमणको जोखिम बढेको जनाइएको छ ।

मन्त्रालयको तथ्यांक अनुसार पछिल्लो तीन दिन अर्थात विहीबारसम्म १९ वर्ष मुनिका १७० जनामा कोरोना भाइरसको संक्रमण पुष्टि भएको छ ।

विहीबार ५३४ जनामा कोरोना भाइरसको संक्रमण पुष्टि हुँदा १९ वर्ष मुनिको उमेर समूहका ५२ जनामा संक्रमण देखिएको स्वास्थ्य तथा जनसंख्या मन्त्रालयले जानकारी दिएको हो । जसमा १० देखि १९ वर्ष उमेर समूहका ४० र ९ वर्षसम्मको उमेर समूहका १२ जना छन् ।

बुधबार ६०३ जनामा कोरोना संक्रमण पुष्टि हुँदा १९ वर्ष मुनिको उमेर समूहका ७० जनामा कोरोना पुष्टि भएको थियो ।

यसैगरी मंगलबार ५१७ जनामा कोरोना भाइरसको संक्रमण पुष्टि हुँदा १९ वर्ष मुनिका उमेर समूहका ४८ जनामा कोरोना पुष्टि भएको मन्त्रालयलेको तथ्यांकमा उल्लेख छ ।

यस्तो छ उमेर समूह अनुसार मंगलबार, बुधबार र विहीबारको तथ्यांक 

मन्त्रालयको तथ्यांक अनुसार हालसम्म १० वर्ष उमेर समूहका बालबालिकामध्ये ६ हजार ५८६ जनामा कोरोना भाइरसको संक्रमण पुष्टि भएको छ । त्यसैगरी ११ देखि २० वर्ष उमेर समूहका १ लाख ८ हजार ४०८ जनामा कोरोना पुष्टि भएको छ ।