नयाँ दिल्ली– श्रीलंकाले चिनियाँ कोभिड–१९ बिरुद्धको खोपको विश्वसनीयतामा आशंका जनाउँदै भारतमा उत्पादित खोप प्रयोग गर्ने जनाएको छ।

श्रीलंकाले भारतमा उत्पादित अक्सफोर्ड अस्ट्रेजेनेकाको खोप प्रयोग गर्ने निर्णय गरेको हो । यसअघि, श्रीलंकाले चीनमा उत्पादित साइनोफार्म खोप प्रयोग गर्ने बताएको थियो ।

तर, चीनले उत्पालन गरेको साइनोफार्म खोपको विश्वसनीयता कायम नभएको भन्दै भारतमा उत्पादित खोप प्रयोग गर्ने भएको हो । श्रीलंकामा संसदले भारतमा उत्पादित एक करोड डोज खोप ५२ करोड अमेरिकी डलर बारबारको लागतमा किन्ने निर्णय गरेको छ।

भारतले प्राथमिकताका साथ छिमेकी मुलुकहरुलाई सहयोग र वित्तिय दुबै किसिमले कोभिड–१९ बिरुद्धको खोपहरुको निर्यात गरिहेको छ। चीनले उत्पादन गरेको कोभिड–१९ बिरुद्धको खोपहरुबारे अझै पनि विवरणहरु उपलब्ध गर्न नसकेको कारण खोपको विश्वसनीयतामा आशंका कायमै छ ।