मुम्बई– फिल्म ‘बाहुबली’ फेम्ड अभिनेता प्रभास एक हजार करोड रुपैंयाँ ऋणमा डुबेका छन् । कोभिड १९ को महामारीका कारण अन्य क्षेत्र झैं विश्वको फिल्म क्षेत्र पनि धरासयी बनेपछि यसको असर प्रभासमा पनि देखिएको हो ।

उनको प्रोडक्सन कम्पनी यूवी क्रिएसनले बैंकमा लिएको ऋण तिर्न धौ धौ परिरहेको भारतीय सञ्चारमाध्यमले जनाएका छन् । यो कम्पनीले दर्शकमाझ फिल्म ‘राधे श्याम’ ल्याउदैछ । फिल्ममा प्रभास र पूजा हेगडे प्रमुख भूमिकामा छन् ।

केही दिन अघिमात्र फिल्मको टिजर रिलिज भइसकेको छ । युरोपमा छायांकन गरिएको यो फिल्म जुलाई ३० मा रिलिज हुँदैछ ।

कोभिडका कारण कम्पनीले ठूलो नोक्सान व्यहोरेपछि यो फिल्मको सफलताको पर्खाईमा प्रभास छन् । फिल्ममा राधाकृष्ण कुमारको निर्देशन छ ।
–एजेन्सी