काठमाडौँ– नेकपा एमालेका नेता गोकुल बाँस्कोटाले विपक्षी गठबन्धनका नेताहरुबीच भएको छलफललाई लक्षित गर्दै कडा कटाक्ष गरेका छन् ।

उनले सामाजिक सञ्जालमार्फत उक्त कटाक्ष गरेका हुन् । उनले सामाजिक सञ्जालमा लेखेका छन्, ‘एमाले ध्वस्त गर्न प्रचण्ड देउवाले हिजो पनि कोटेश्वरको डिलमा युरिया हालेछन् । तर पोटास र फस्फोरस थियो कि थिएन ? अब कस्तो सप्रेला वा थप पहेलिएला हेर्नु छ ?’

पछिल्लो राजनीतिक अवस्था र आगामी कदमका विषयमा छलफलका लागि भन्दै विपक्षी गठबन्धनका नेताहरु कांग्रेस सभापति शेरबहदुर देउवा, माओवादी केन्द्रका अध्यक्ष पुष्पकमल दाहाल प्रचण्ड र एमाले नेता माधवकुमार नेपालबीच हिजो नेपाल निवास कोटेश्वरमा छलफल भएको थियो ।